Barack Obama do të takohet sot me Raul Kastron, për një implus të ri në përmirësimin e marrëdhënieve të shënuara në fund të vitit 2014 midis SHBA-së dhe Kubës, në ditën e dytë të vizitës së tij historike në Havanë.
Takimi i tyre do të organizohet në pallatin presidencial në “Sheshin e Revolucionit”, takimi i tretë në radhë midis dy liderëve prej njoftimit të papritur të përmirësimit të marrëdhënieve, që pritet të përcaktojnë orientimin e kësaj klime bashkëpunimi.
Presidenti amerikan nisi në mesditë vizitën e tij me kryerjen e homazheve pranë statujës së Jose Marti-t, emri i babait të pavarësisë kubane, në Sheshin e Revolucionit, ndërsa Zonja e parë, Michelle Obama do të vijojë me një takim me studentët kubanë.
Për Barack Obamën, i cili largohet nga Shtëpia e Bardhë në 10 muaj, qëllimi i kësaj vizite është shumë i qartë, ta bëjë të pakthyeshëm përafrimin e marrëdhënieve me Havanën, pavarësisht se cili do të ishte emri i pasardhësit të tij në vitin 2017, demokrat apo republikan.