David Cameron “u shpërqëndrua” pas intervenimit të vitit 2011 në Libi, ka thënë presidenti amerikan, Barack Obama. Në një intervistë për revistën The Atlantic, Obama kritikoi edhe pjesëtarët e komunitetit ndërkombëtar për të cilët tha se nuk janë të gatshëm të ofrojnë burime ushtarake pavarësisht thirrjeve të shumta.
Artikulli po ashtu thotë se kryeministri britanik ishte paralajmëruar që Britania të paguajë pjesën e saj në programin e mbrojtjes, raporton BBC, përcjellë Klan Kosova.
Vërejtjet e presidentit Obama u bënë para se kancelari George Osborne të njoftojë se qeveria britanike do të shpenzojë 2 % të ardhurave në mbrojtje.
