Analisti Lorenc Vangjeli dhe ish-kryetari i bashkisë së Shkodrës, Bardh Spahia, u përplasën ashpër në emisionin “Të Paekspozuarit” për fitoren e PS-së në kryeqendrën e veriut për herë që parë që prej rënies së komunizmit. Ndërsa Vangjeli akuzoi PD-në se e e kishte mbajtur nën sqetull Shkodrën duke e lënë të pazhvilluar, Spahia tha se PS-ja e mori, duke blerë votat në mënyrë masive, tjetërsimi nga përdorimi i administratës, nga paratë e pista dhe përdorimi i bandave kriminale.
Debati në studio
Sejamini: Ti po bën propagandë dhe jo analizë. Ma trego pak se si PSD është stacion?
Vangjeli: Unë jam konseguent në atë që them. Vota e një qytetari shkodran që ka votuar 30 vjet për PD-në, për të vajtur te PS…
Sejamini: Pra vota për PSD-në është stacion, është votë ideologjike?
Vangjeli: Është pragmatiste. Shkodra, pavarësisht arsyeve, është në bisht të zhvillimit në Shqipëri.
Spahia: Shkodra është më mirë se çdo qytet. Nuk kemi vjedhur dhe nuk e kemi shkatërruar qytetin.
Vangjeli: Si e paskeni zhvilluar ju pa para? Shkodranit ju i thatë, sa kohë që nuk qeverisim shtëpinë tonë, nuk qeverisim dot as Shkodrën.
Spahia: Ti bën politikë apo analizë?
Vangjeli: Ju nuk bëni dot politikë sepse nuk kuptoni nga politika.
Spahia: Nëse do të bësh analistin, kuptoje që vota e Shkodrës flet më qartë se kushdo tjetër. Nuk ka asnjë logjikë matematike dhe politike.
Vangjeli: Nuk e kuptoni ju, more. E kishit nën sqetull Shkodrën dhe thoni: O perëndi, si na e mori ai!
Spahia: Vota e Shkodrës, është blerë në mënyrë masive. Vota e Shkodrës është tjetërsuar nga përdorimi i administratës, patronazhistëve, kërcënimeve, parave të pista të hedhura pa teklif në çdo cep të Shkodrës dhe përdorimit të bandave kriminale.
/a.r
