Ndërkohë që po diltë nga selia e PD-së për t’iu drejtuar Kuvendit, Lulzim Bashës i kanë dalë përpara një grup militantësh demokratë duke i kërkuar llogari për vendimin e djeshëm për përjashtimin e Berishës.
Disa prej tyre kanë lëshuar fyerje të rënda ndaj Bashës, i cili vijoi rrugën bashkë me deputetët e tjerë për në Kuvend.
“O legen Paç faqen e zezë, Basha qaraman, hiqeni Bashën nga PD”,-ishin këto disa nga thirrjet që u dëgjuan në momentet kur Lulzim Basha përfundoi mbledhjen e grupit parlamentar dhe iu drejtua Kuvendit të Shqipërisë.
U ndesh ndërhyrja e badigardëve të tij për të qetësuar militantët e acaruar.
Demokratëve iu është dashur që të bëjnë 400 metra në këmbë për t’u future në Kuvend pasi ky i fundit mbylli derën që lidh oborrin e PD-së me godinën ku zhvillohen seancat plenare.
Më parë, ata kalonin në oborrin e Kuvendit përmes një dere që i lidhte direkt me selinë e PD-së, të cilat janë ngjitur me njëra-tjetrën.
View this post on Instagram
g.kosovari
