Një pikë karburanti është grabitur gjatë natës në Novoselë të Vlorës. Mësohet se, autorët e grabitjes kanë qenë dy persona të maskuar, të cilët kanë kërcënuar rojen duke i marrë xhiron ditore, afërsisht 350 mije lekë të vjetra.
Policia kambarritur në vendngjarje dhe ka nisur hetime, ndërkohë është marrë në pyetje roja i karburantit.
Ai është shprehur në polici se autorët ishin dy persona të armatosur, teksa shton se ka dëgjuar të thonë “nxirr pistoletën”.
Lidhur me ngjarjen është ngritur një grup hetimor i cili po punon për zbardhjen e plotë të rrethanave të grabitjes.
E.Xhangoli
