10 mijë tekste shkollore në shqip janë shpërndarë për nxënësit e diasporës shqiptare. Projekti është realizuar nga Ministria e Jashtme në bashkëpunim me Ministrin e Shtetit për Diasporën dhe Qendrën e Botimeve për Diasporën, si dhe me mbështetjen e përfaqësive diplomatike.
Përmes një postimi në Facebook, Gent Cakaj, ministri i Jashtëm në detyrë, u shpreh se kjo nismë, vjen në kuadër të angazhimit që ka marrë Qeveria e Shqipërisë, për jetësimin e kulturës dhe gjuhës shqipe në diasporë.
Qëllimi i kësaj nisme, është nxitja e brezave të rinj në ruajtjen e identitetit kulturor e gjuhësor duke vlerësuar po aq të rëndësishëm forcimin e bashkëpunimit të marrëdhënieve me shqiptarët të cilët jetojnë e punojnë jashtë vendit.
“Qeveria e Shqipërisë do të vazhdojë mbështetjen e pakursyer për diasporën e të thellojë tutje marrëdhëniet me shqiptarët kudo që ndodhen”, përfundon Cakaj. /l.m
