Këtë të dielë kanë qenë të shumta vajzat që veshur me fustanin e nusërisë kanë shkuar për të votuar.
Buzëqeshje dhe habi ka shkaktuar prania e nuseve në Qendrat e Votimit.
Njëra prej tyre sapo ka hyrë në derë ka ngjallur reagimet e vajzave që ishin anëtare të komisionin të cilat i thanë: “Na kap një çikë hundën”.
Pasi nusja firmosi në fletë dhe timbrosi gishtin, nusja u tërhoqi hundën vajzave beqare të cilat sipas kësaj “besëtytnie” do të kenë fatin e saj.
Kjo situatë u shoqërua me të qeshura, duartrokitje dhe shumë urime për çiftin e ri, të cilët dasma nuk i ndali të zgjedhin për të ardhmen e tyre.
