Zgjedhjet e përgjithshme në Turqi duket se nuk do t’i buzëqeshin këtë radhë Presidentit turk Rexhep Taip Erdogan dhe partisë së tij AKP. Në fakt deri në këtë moment janë numëruar rreth 80% e votave dhe partia e Erdogan ka siguruar 40.44% të votave. Kjo do t’i sigurojë vetëm një mazhorancë të thjeshtë me 254 deputetë, 71 më pak nga sa ka aktualisht.
Bëhet fjalë për ëndërrën e Erdogan për ta transformuar Turqinë në Republikë Presidenciale gjë që do e shndërronte shtetin në një regjim autoritar. Ai që po i prish ëndrrën Erdogan është Selahatin Demartis lideri i partisë filokurde HDP e cila ka kaluar 10% dhe ka siguruar 78 vende në Parlament.
Vota e sotme përkthehet në një frenim për Presidentin Erdogan që këto zgjedhje i kishte shndërruar në një referendum për reformën presidenciale.
