KQZ në Kosovë ka numëruar mbi 66 përqind të votave deri në orën 22:30 dhe Vetëvendosje vijon të kryesojë.
Partia e Albin Kurtit prin me 48.02 përqind, kurse pas saj vjen PDK me 17.65 përqind.
Lidhja Demokratike e Kosovës rezulton me 13.48% të votave, një rezultat i dobët ky për partinë e ish-Presidentit Ibrahim Rugova.
AAK është e katërta me 7.69 përqind, ndërsa Nisma ka më pak se 3 përqind duke mos e kaluar pragun elektoral deri tani.
Qendrat e votimit u mbyllën në orën 19:00 të së dielës. Kryetarja e Komisionit Qëndror të Zgjedhjeve, Valdete Daka, deklaroi se gjatë procesit nuk u shënua asnjë parregullsi.
Pas daljes së Exit Polleve të para, mbështetësit e Vetëvendosjes dolën nëpër sheshe duke festuar. Por Albulena Haxhiu e Lëvizjes Vetëvendosje u bëri thirrje që të festojnë në familje dhe të mos dalin në rrugë e të respektojnë masat anti-covid.
Nga ana tjetër, kryetari i AAK Ramush Haradinaj nxitoi të përgëzonte Vetëvendosjen për fitoren e zgjedhjeve.
Për të ndjekur rezultatet e pëditësuara në vijim, klikoni në linkun zyrtar të KQZ:
https://rezultatet2021.org/sq/parl/r
