Gjykata e Tiranës ka vendosurpushimin e çështjes së famshme CEZ që zgjat prej ca vitesh.
Sipas Gjykatës, privatizmi i OSSH nga çekët, s’ka vepër penale. Nga hetimet, nuk u gjetën elementë të veprës penale për ish-zyrtarët. Për çështjen CEZ u ngrit komision hetimor parlamentar pasi procedura e privatizimit u konsiderua korruptive.
Kujtojmë se më 27 dhjetor, Kuvendi i Shqipërisë iu drejtua Gjykatës së Tiranës për shpallje të mos-kompetencës për gjykimin e dosjes “CEZ”, ndërsa kërkoi që kjo çështje t’i kalohet për gjykim SPAK-ut.
Hetimet për procedurën e privatizimit të OSSH nga cekët e CEZ në 2007, u konsiderua korruptive, nisën kohë më parë dhe në pyetje u morën një numër i lartë zyrtarësh, përfshirë edhe Shkëlzen Berishën, djalin e ish-kryeministrit Berisha. Për këtë cështje u ngrit edhe një Komision Hetimor Parlamentar i drejtuar nga Taulant Balla, i cili në finale të tij arriti në konkluzionin se nga procedura e privatizimit të shtetit i ishte shkaktuar një dëm prej 414 milionë eurosh.
Mbi këtë konkluzion, gjykata rrëzoi prokurorinë dhe ktheu cështjen për rihetim, duke i lënë detyra shtesë për të përmbushur, sic ishte ndër të tjera pyetja e Shkëlzen Berishës, ish-ministrit të Ekonomisë, Genc Ruli dhe biznesmenit Nue Kalaj.
Por Gjyqtari Lazër Sallaku i cili vendosi pak ditë më parë mbylljen e çështjes së lobimit rus për PD, ka vendosur sot pushimin për dosjen ‘CEZ’ në Gjykatën e Tiranës.
Me këtë vendim, dosja CEZ konsiderohet e mbyllur. /e.s/
Qelbesira