Pas rrëzimit tragjik të avionit një ditë më parë në Paksitan, gjetën vdekjen të paktën 99 persona ndërkohë që në bord gjendeshin 107 njerëz. Avioni është rrëzuar mbi banesat e qytetit Karaçi vetëm një minutë para uljes së planifikuar në aeroport duke shkaktuar një tragjedi.
Në disa foto të bëra virale në mediat e huaja shihen qartë dëmet e mëdha që u krijuan në lagjen ku avioni u rrëzua.
Njerëz të cilëve u ishte djegur trupi, të plagosur e të mbuluar në gjak, pamjet pas rrëzimit të avionit në Pakistan janë të dhimbshme, njësoj si avioniukrainas “Boeing-737” në Iran, pavarësisht se ai ishte një rrëzim si shkak i një sulmi dhe rasti në Pakistan ishte problem teknik i avionit.
Si shpëtoi Muhamed Zubair?
Avioni që transportonte 91 pasagjerë dhe tetë ekuipazh, përfshirë shumë familje, që udhëtonin përpara festës së Bajramit të së Dielës ishte nisur nga Lahore.
Teksa po përpiqej të ulej në Aeroportin Ndërkombëtar Jinnah, të Karaçi në rreth orës 14:30 me kohën lokale (09:30 GMT) avioni u përplas me një zonë të banuar.
Zubair, i cili pësoi vetëm plagë të lehta, tha se aeroplani po përpiqej të ulej dhe u rrëzua 10-15 minuta më vonë.
“Askush nuk ishte në dijeni se avioni ishte gati të rrëzohej. Ata po e drejtonin avionin në mënyrë të qetë” tha ai.
Pas rrëzimit të avionit, Zubair humbi ndjenjat. Kur u përmend Zubair tha: “Unë dëgjoja ulërima nga të gjitha drejtimet. Fëmijë dhe të rritur dhe gjithçka që mund të shihja ishte zjarr. Nuk shihja ndonjë njeri, thjesht dëgjoja britmat e tyre”.
“Hapa rripin e sigurimit dhe pashë dritë, shkova drejt dritës. Më duhej të hidhesha poshtë rreth 3m për të arritur te siguria”, shtoi ai.
g.kosovari
