Kjo është një nga historitë më të çuditshme dhe njëkohësisht më skandaloze që mund të ndodhë. Ky rast absurd ka ndodhur në Kosovë. Kompania e KEDS-it kishte kërkuar nga Përmbaruesi Privat që kryefamiljarit Bislim Haliti nga fshati Dvorishtë, komuna e Podujevës t’i jepet masa e dënimit me 5 muaj burg ose t’i konfiskohet pasuri familjare, pasi ky i fundit i ka borxh për energjinë elektrike, kompanisë së KEDS-it 1279.43 euro.
Mirëpo familja prej pesë anëtarësh e Halitit jeton në kushte të vështira ekonomike madje për një periudhë kohore nuk kishte marrë as asistencën sociale.
Hoxha i Xhamisë së Vjetër në Podujevë, Imri Llugaliu tregon se si kompania KEDS ia kishte marrë të familjes Haliti, lopën për shkak të borxhit.
“Pasi që Bislimi jeton në kushte të vështira dhe me asistencë sociale ai nuk kishte para ta paguaj borxhin e rrymës. Kështu Bislimi është detyruar ta jap lopën vlerën e të cilës nuk e kanë llogaritur as sa gjysma e saj”, ka thënë hoxha duke shtuar se me pas Bislimi kishte mbetur vetëm në duart e bamirësve. Borxhet e të pasurve kanë arritur në miliona kurse KEDS-i i gjeti ata që jetojnë në skamje për të kryer si duhet punën e tyre”, tha ai.
Hoxha që njihet nga banorët e Podujevës për bamirësi, nuk kishte qëndruar në heshtje, por me iniciativën e shumë banorëve kishin blerë dy lopë për familjen e varfër.
