Sulmuesi i Ajaxit, Kasper Dolberg ritkhehet në radarin e Milanit, në rast se kompletohet transferimi i sumuesit të Fiorentinës, Nikola Kaliniç, raporton Tuttosport.
Rossonerët po kërkojnë një sulmues të nivelit të lartë, dhe në top treshe janë Kaliniç, Belotti e Aubameyang, transmeton Koha.net.
Përderisa Dortmundi e Torino po kërkojnë mbi 80 milionë euro për sulmuesit e tyre, Fiorentina për Kaliniqin kërkon vetëm 30 milionë euro.Tuttosport raporton se Milani do ta kërkojë edhe një sulmues nëse kompleton transferimin e Kaliniqit, dhe ai është Dolberg.
19 vjeçari danez sezonin e kaluar pati një formë të jashtëzakonshme duke shënuar 23 gola në 48 paraqitje për Ajaxin. (b.an)
