Çdo dalje e ambasadorit amerikan në publik, në favor të Reformës, krijon një ngjarje në Shqipëri. Asgjë nuk e ndalon dot progresin e vendosjes së moralitetit në Qeverisjen dhe në Drejtesinë shqiptare. Por, a mund të pengohet koha nga një president i papërgjegjshëm?
Do të jetë fundi i tij.
Pse, një toger i një shkollë mediokër ushtarake komuniste shqiptare do t’i mësojë demokracinë politikës dhe jurisprudencës amerikane?
Nuk e di ky që ligji është bërë nga ekspertët e nivelit të lartë, amerikanë dhe gjermanë?
Gjithsesi, ambasadori amerikan Donald Lu duhet të vijojë ecjen përpara të Reformës mes eventeve, si deri tani. Çdo dalje për Reformën e ambasadorit amerikan në Tiranë, ka qenë deri tani një event progresi – domethënë një ngjarje pozitive shoqërore. Diktatura dhe gjendja e padrejtësisë së gjatë postkomuniste në Shqipëri, i ka bërë shqiptarët që të ecin me dije konvencionale.
Kjo është dobësia që ka shfrytëzuar korrupsioni i niveleve të larta politike në Shqipëri. Zoti ambasador Donald Lu: “the enemy of conventional wisdom is not ideas but the march of events”; na ka thënë John Kenneth Galbraith (Armiku i dijes konvencionale nuk janë idetë por marshimi i eventeve).
Duhet të vijoni aktin tuaj të daljes në publik edhe kundrejt presidentit shqiptar, sepse ai ka konflikt interesi me ligjin: ai vetë është person që do të hetohet. Shqiptarët janë në prag të fitores historike, por ajo duhet shpejtuar të vijë brenda shtatorit. Koha i ka mposhtur tani “heronjtë” e krimit shqiptar.
Por zvarritja ndihmon psikologjinë konvencionale. Vonesa është konvencion i zvarritjes së drejtësisë në Shqipëri. Kjo nuk duhet të ndodhë.
Shqiptarët nuk duhet ta presin më gjatë ish- togerin shqiptar, sepse zvarritja prej tij e firmosjes së ligjit të vetingut, është fyerje kundrejt shqiptarëve, dhe njëherësh, edhe antiamerikanizëm oriental sui generis.
Shqiptarët duhet të tubohen këto ditë para Presidencës, se vonesa në firmosjen e ligjit, është akt antishqiptar i ndërmarrë nga korrupsioni.
