Për herë të parë që nga fillimi i pandemisë së koronavirusit, kryeministri suedez ka pranuar se nuk ka bërë aq sa duhet.
Suedia është ende një nga vendet me kufizimet më të pakta, nuk ka asnjë bllokim, baret dhe restorantet janë ende të hapura, ashtu si edhe shumica e bizneseve.
“Duket qartë për ne që nuk kemi bërë aq sa duhet”, tha kryeministri Stefan Lofven në “TV SVt” për rritjen e rasteve (9 685) dhe viktimave (870) të Covid-19.
Numri i të vdekurve në Suedi është shumë më i lartë sesa në vendet fqinje si Danimarka (247) dhe Norvegjia (113) që morën masa izolimi në muajin mars.
Nëse vendet e kujdesit intensiv në Suedi fillojnë e mbipopullohen, mjekët duhet të përjashtojnë personat e moshës 80 dhe 60-70 që kanë kushte të tjera shëndetësore.
Kështu janë udhëzuar punonjësit e shëndetësisë në Suedi nga Instituti Karolinska në Stokholm, sipas një dokumenti të botuar në faqen e internetit të gazetës Aftonbladet.
Në praktikë, të moshuarit që janë mbi 80 vjeç nuk konsiderohen si përparësi, as ata të moshës 60-70 vjeç që kanë probleme me më shumë se një organ a sëmundje të tjera.
