Ditën e sotme ka nisur protesta e dytë rradhazi ku qindra qytetarë janë mbledhur në sheshin “Skënderbej” dhe më pas kanë marshuar drejt kryeministrisë për të shprehur mesazhin e tyre lidhur me vështirësitë që po përjetojnë pas rritjes së çmimeve.
Numri i protestuesve është më i ulët krahasuar me ditën e djeshme, duke parë sesi edhe pas protestave ende asnjë masë konkrete nuk është marrë nga qeveria.
Nuk kanë munguar as pankartat me shkrime të cilat shprehin qartë lodhjen dhe zhgënjimin e qytetarëve shqiptarë sa i takon ngjarjeve të fundit në vend. Në të gjitha fjalimet e mbajtura nga qytetarët, këta të fundit kërkojnë që qeveria të ndërhyjë menjëherë për të vendosur një stabilizim të çmimeve të paktën për karburantet dhe produktet e shportës të cilët kanë pësuar rritje galopante krahasuar me vendet e tjera të rajonit të Ballkanit Perëndimor.
/e.d
