Plotë 18 studentë i kanë dhënë fund jetës brenda një jave, pasi nuk morën dot provimet universitare. Është ky bilanci i vetëvrasjeve brenda një jave, e disa studentëve në shtetin indian të Telangana.
Qeveria ka kërkuar verifikime lidhur me saktësinë e provimeve, kjo pasi dyshohet se disa gabime teknike kanë bërë që të rinjtë të gabojnë.
Një student i Nagendra Collage i dha fund jetës në shtëpinë e tij në Kushaiguda pasi ngeli në matematikë.
Babai i tij tregoi për Indian Express se, “Ishte student i shkëlqyer, nuk mund ta besonte se kishte ngelur në matematikë, e cila ishte lënda e tij e preferuar. U kthye në shtëpi dhe refuzoi të hante, por nuk e menduam se do i jepte fund jetës”.
Në vijim të protestave të prindërve dhe studentëve, qeveria ka urdhëruar që të analizohen testet të cilave iu nënshtruan 300 mijë studentë, shkruan noa.al.
Kompania e ngarkuar për të analizuar rezultatet, ‘Globarena Technologies’, pranoi fillimisht se kishte pasur probleme teknike, por më tej pretendoi se ishin korrigjuar.
/a.rada
