Dash Sula, përpara se të hynte në Parlament, foli për mediat duke u treguar i ashpër me mënyrën se si e trajtuan në Partinë Demokratike.
Sipas tij, ai u largua pasi “u shkel me të dyja këmbët statuti dhe u zhbë Kushtetuta e PD”, shkruan A2.
“Unë nuk jam nga ata që kam kërkuar ofiqe, por nga viti 2005 kam qenë një nga politikanët që i ka sjellë më shumë vota PD-së. Isha për lista të hapura totalisht. Sot u largova nga PD për shkak të një vendimi të njëanshëm. Punova në diasporë dhe e kam bërë me shumë dëshirë. Nuk mund të lejoj që të përdhunohem! Kam sakrifikuar për këtë parti veten dhe familjen time. Nuk kam marrë kurrë një tender dhe jam krenar për opozitën që kam bërë. Përjashtohem unë dhe futen në listën e mbyllur të Elbasanit disa të tjerë”, tha Sula.
“Shqipëria duhet të bëhet me djem e vajza të reja. PD nuk ka hall për fitoren e 11 majit, por se si do të mbahet ende peng PD-ja në 12 maj. Është një listë jopërfaqësuese”, shtoi Sula.
