Lamtumira e Vedat Muriqit nga Lacio gjatë merkatos së janarit tashmë duket se është fakt i kryer. Ajo që mbetet për t’u mësuar është vetëm destinacioni që do të ketë sulmuesi i Kosovës, i cili nuk arriti thuajse asnjëherë të tregonte potencialin e tij të vërtetë në klubin italian.
Gjatë ditëve të kaluara është përfolur për një kthim të mundshëm në Turqi, por edhe për klube angleze të cilat janë interesuar për futbollistin. Megjithatë, së fundmi ka dalë në skenë një hipotezë shumë interesante për lojtarin.
Sipas mediave italiane dhe atyre turke, për Muriqin ka shfaqur interes konkret skuadra e CSKA Moskës. Klubi rus ka bërë një hap konkret duke kontaktuar me Lacion për të mësuar çmimin e kartonit të futbollistit dhe nuk është aspak çudi që të ketë së shpejti zhvillime të tjera në këtë front.
PANORAMASPORT.AL
