Nënkryetarja e Parlamentit, Vasilika Hysi e ftuar në një studio televizive u shpreh se “nga fundi i mandatit të pare dhe të dytë të kësaj Qeverie, opozita nuk ka qenë e pranishme në Parlament, më ka rastisur shpesh që edhe kur ka qenë e pranishme, ka tentuar të prishe seancat plenare”.
Edhe pse Hysi pohon situatën e pazakontë, deputetët që kanë marrë mandatet e djegura ose kanë refuzuar t’i dorëzojnë, i cilëson si “ një opozitë që nuk është e re, por me deputetë të rinj, të dalë nga listat e 2017”. Nënkryetarja e Parlamentit, thekson se edhe pse “nuk i kemi dëgjuar këta deputetë për të vlerësuar në rolin e tyre opozitar, vura re që ata nuk ishin pa përvojë politike”.
Hysi gjatë kësaj bisede ka komentuat edhe protestën e opozitës ku e cilëson si një “akt vetëvrasës që nuk do ta kishim menduar kurrë”, dhe një protestë që sipas saj nuk është rezultati i një revolte popullore, por një vendim i drejtuesve. Si provë jep faktin që “ditët e protestës bashkitë e drejtuar nga opozita kanë qenë bosh, nuk kishte qofte edhe një punonjës”.
/a.rada
