Gazetarja e njohur, Mira Kazhani, ishte e ftuar një ditë më parë në emisionin “Ftesë në 5” së bashku me të motrën e saj të vogël. Gjatë bisedës në studio, ato folën për marrëdhënien që ekziston mes tyre dhe për çështjet e zemrës.
Besa gjeti rastin që të ankohej publikisht se mira ia vishte gjithnjë rrobat e reja e nga ana tjetër, gazetarja vuri në dukje se sa dembele është Besa kur vjen fjala te punët e shtëpisë.
Por intervista u bë më interesante ku moderatorja, Bieta Sulo, e ka pyetur Mirën për të rejat në çështjet e zemrës. ‘Nuk ka kërkesa, për pritshmëritë e mia nuk ka’, është përgjigjur ajo duke treguar se kjo puna e burrave i është bërë havale.
“Unë them që duhet të bëjë disa kombinime universi…mbase edhe vet e kam pak fajin, një lloj pasioni e kam patur për gazetarinë. Sa më shumë distancohesh, zvogëlohen mundësitë që të njohësh njerëz të rinj. Ti e di Bieta që të gjithë ne që jetojmë në botën e medias, vetvetiu krijojmë një lloj mikrobote, rrimë shumë në rrethin tonë dhe nuk është se ke shumë mundësi kontaktesh. Megjithatë është pak përgjithësisht problem gazetarësh ky…”, sqaroi Mira, duke theksuar se ndihet mjaft rehat dhe e lumtur nën statusin e beqares.
g.kosovari
