Policia italiane ka arrestuar një shqiptar, pasi nuk arriti të justifikonte dot sende me vlerë që kishte në dy çanta.
Policia pasi ndaloi një autobus me targa shqiptare ushtroi kontroll mbi sendet personale të shoferit.
37-vjeçari, pa precedent kriminal, shfaqi sjelle të dyshimtë, pasi vazhdimisht shikonte çantat në ndenjësen e pasagjerit.
Në dy çantat e tij policët gjetën një portofol, dy telefona, pesë ora, përfshirë dhe një Rolex, si dhe 8 500 euro.
Ai nuk arriti të justifikonte posedimin e këtyre sendeve me vlerë, duke thënë se vetëm 100 euro ishin të tij. Kjo bëri që të arrestohej.
Nga verifikimet rezultoi se sendet me vlerë ishin grabitur në një apartament në Modena në fund të muajit mars.
Dy viktimat e vjedhjes kishin bërë denoncim në Polici dhe kishin përshkruar sendet që u ishin grabitur.
