Deputetja e PS Elisa Spiropali ka dhënë një deklaratë për mediat pas ‘pushtimit’ të forltores së Kuvendit nga kreu i PD Basha dhe disa deputetë të opozitës. Spiropali deklaroi se PD po merr peng parlamnetin për hallet e veta.
Sipas saj, parlamenti u mblodh për të votuar Komisionin e Reformës Zgjedhore siç e kërkoi PD, por kjo forcë nuk lejoi seancën.
“E zhytur edhe në krizë të thellë brenda vetes, PD po kapet pas cungut të vjetër, si i mbyturi pas fijes së barit. Asnjë vizion, asnjë ide, asnjë lidership, vetëm një grup kolegësh që mendojnë se do e marrin peng parlamentin. Ai avaz ka mbaruar. Ne sjemi për të qarë hallin e PD, qofshin edhe problemet e rënda që ata kanë, jemi për hallet e Shqipërisë. Nuk do biem në batakun e sherrit, dhe batakun e llafeve. Erdhëm për të votuar komisionin e reformës, siç ata e duan, nuk na lanë të votonim, sepse me sa duket nuk kanë ardhur për të votuar këtë komision por kanë ardhur për sherr. I bëjmë thirrje PD t’i rikthehet arsyes”, deklaroi Spiropali./a.m.
