Periudhë ankthi dhe frike ka kaluar një vajzë adoleshente e cila prej muajsh të tërë përndiqej nga një shtetas 56-vjeçar. E reja vetëm 16-vjeçare, ndalohej në rrugë nga shtetasi J.RR. i cili i kërkonte asaj vazhdimisht seks. Burri 56-vjeçar i thoshte vajzës se i ishte fiksuar në kokë dhe nuk i ndahej deri sa të lidheshin së bashku.
Kjo situatë zgjati disa muaj për vajzën e re, e cila sa herë dilte nga shtëpia përballej me burrin 56-vjeçar.
Në disa raste ky shtetas e ka kërcënuar vajzën e re se do t’i bënte keq familjarëve nëse nuk pranonte të lidhje me të për seks.
Por pasi, përballoi për muaj të tërë stresin dhe frikën nga ky shtetas, më në fund vajza gjeti guximin të denoncojë historinë e saj në polici. Ajo u paraqit në komisariatin numër 3 dhe raportoi ngjarjen 3 ditë më parë. Tashmë raportohet se ky person, është shpallur në kërkim nga policia, e cila po punon për ndalimin e tij./Javanews/a.m.
