I ftuar sot në studion e Eni Vasilit në “News 24”, kryeministri Edi Rama ka folur për marrëdhëniet me mediat dhe specifikisht me Top Channel. Ai tha se nuk e ka sulmuar televizionin, por thjesht ka shprehur keqardhjen për një lajm jo të vërtetë.
Eni Vasili: Ju sulmuat Top Channel.
Edi Rama: Nuk e kam quajtur një ish-media. Nuk e kam sulmuar, thjesht kam ekspozuar një fakt të po asaj dite me një shprehje keqardhjeje.
Eni Vasili: Top Channel ju ka mbështetur.
Edi Rama: Unë nuk i ndaj në mbështetës dhe kundërshtarë kanalet mediatike. Ka qenë një moment kur është folur pikërisht për lirinë e medias, në ditën e shënuar që ishte edhe arsyeja e konferencës dhe u gjenda para një prove konkrete për të ndarë me publikun keqardhjen time. Nuk do të më shikoni të sulmoj një media, apo një gazetar, në mënyrë të qëllimshme.
Eni Vasili: Top Channel sot shkarkoi Sokol Ballën nga drejtor i informacionit. I shihni faktet e lidhura?
Edi Rama: Janë teori konspiracioni, që prodhojnë argumenta për atë që unë e quaj kazan.
a.ç
