Nuk njeh për kryetar Sali Berishën, por Jorida Tabaku shkoi në protestën e thirrur prej tij dhe për Top Channel tregon arsyet sepse u gjend në shesh.
E ndodhur mes rrymave të ndryshme në PD, deputetja demokrate preferon të mos zgjedhë asnjë palë duke vijuar aksionin e saj e baraslarguar edhe nga miqtë e saj në grupin parlamentar. Rruga e rebelizmit për të nuk është e duhura.
Jorida Tabaku nuk është dakort as me formulën e bashkimit, pasi ajo mendon se fillimisht plagët duhen shëruar në qelizën bazë të partisë.
“Patjetër që PD duhet të jetë e bashkuar, por kur kam folur për bashkim i jam referuar edhe bazës dhe njerëzve ne duhet t’ia sqarojmë gjithë këtë proces që po ndodh.”
Nuk ecën në të njëjtin kah me grupin parlamentar, por rruga që po ndjek Jorida Tabaku nuk ka pikë takimi as me Lulzm Bashën. Ajo i mbetet idesë që partisë i duhet lidership i ri./m.j
