Lulzim Basha ka reaguar sot për foton e publikuar nga Taulant Balla ku shfaqej në zyrë krah për krah me vëllain e pritësit të 3.4 milionë eurove të kapura në Durrës.
Basha pretendon se nuk e mban mend personin me të cilin shfaqet në zyrën e tij.
Lideri i PD u shfajësua duke thënë se takon mijëra njerëz, por nga ana tjetër kërkoi arrestimin e tij. Basha fajësoi Ballën, pasi sipas tij, e ka marrë atë foto pikërisht nga banda e Elbasanit. Kreu i PD theksoi se personi në fjalë nuk i thotë asgjë.
“Parashtrimi i fotos vërteton se Balla është kapo banda i Elbasanit. E ka marrë atë nga banda e Elbasanit. Nuk e mbaj mend dhe as më ka prezantuar njeri me atë person. Nëse është ai, ta marrin ta arrestojnë tani. Nuk e mbaj mend pse ndodhej në zyrën tim, unë takoj me mijëra njerëz. Personi në fjalë nuk më thotë asgjë, por tregon se Balla është kapobanda. Balla është garantuesi i kalimit të parave të bandës së Elbasanit. Policia është njoftuar nga partnerët dhe këto janë para droge, që pastrohen me garancinë e kupolës socialiste”, deklaroi Basha
Kujtojmë që prokuroria ka nisur hetim për Bashën me akuzën se dekonspiroi operacionin për kapjen e 3.4 milionë eurove
Më 21 Qershor ndërkohë që makina me pare ishte në udhëtim, ai dekonspiroi aksionin duke folur në parlament, gjë që bëri që trafikantët të ndryshojnë dhe portin e zbarkimit.
Javanews/a.ç
