Kryeministri Edi Rama ka komentuar futjen në listën e Partisë Socialiste të ish-deputetit demokrat, Alban Zeneli.
Rama, teksa ironizoi listën për deputetë të Sali Berishës, u shpreh se ish-ligjvënësi i PD-së, e do partinë e tij, por jo bufin dhe tribunën VIP të kënetës, duke u bërë thirrje demokratëve t’i bashkohen PS-së.
Ndërsa komentoi edhe futjen në listën e PS-së të dekanes së Fakultetit Ekonomik të Vlorës, e cila ishte në çadrën e ngritur nga Lulzim Basha përpara Kryeministrisë, Rama e thumboi duke thënë “deri dje në 2017, se harrova.. O lul kur ka qenë o vëlla, ëëë kur? 2037? Ë në 2017 më duket ka qenë”.
Edi Rama: Alban Zeneli ka qenë deputet i PD-së, ai PD do me qejf, por nga ana tjetër nuk do bufin dhe tribunën VIP të kënetës, kështu që ka hapësirën të jetë këtu, kështu që welcome.
Kemi në Tiranë disa, kemi dekanen e fakultetit Ekonomik të Vlorës në listën e mbyllur, ka qenë në çadër zonja pedagoge, ka qenë këtu poshtë, kërkonte rritje të pagave të pedagogëve.
Deri dje në 2017, se harrova.. O lul kur ka qenë o vëlla, ëëë kur? 2037? Ë në 2017 më duket ka qenë, sepse mendonte se unë duhet të ikja, tani mendon se duhet të rri.
