Gjykata e Kurbinit ka pushuar çështjen ndaj ish-deputetit Armando Prenga, lidhur me procesin e hapur në kuadër të ligjit të dekriminalizimit. Sipas gjykatës, Prenga nuk ka shkelur ligjin lidhur me rastin e mosdeklarimit të një dënimi me gjobë.
Gjykata ka rrëzuar kërkesën për dënimin e tij me burg për akuzën e falsifikimi të dokumentave zyrtare dhe vulave.. Gjyqtari Alfred Gjoni ka pushuar çështjen e ngritur nga Sektori i Dekriminalizimit në prokurori.
Por, cili ishte argumentimi i dhënë nga gjyqtari. Sipas ligjit, subjekti i vetëdeklarimit duhet të apsqyrojë çdo dënim me burg deri në 6 muaj apo gjobë. Por, në rastin konkret subjekti quhet i rehabilituar pasi ka kaluar periudha e parashikuar në ligj./a.m.
