Kreu i ALUIZNI-t Artan Lame së bashku me ministrat Gjermeni e Gjiknuri shpërndanë rreth 200 certifikata legalizimi në zonën e Novoselës në Vlorë, proces ky që sipas Lames pritet të përfundojë plotësisht në mars 2017.
Ai theksoi se aktualisht është mbyllur vetëm një pjesë e këtij procesi të rëndësishëm për qytetarët, por duhet bashkëpunim për problematikat e trashëguara, raporton express.
“Nëse vetë qytetarët nuk përfshihen në proces ne nuk e bëjmë dot. Ashtu si edhe ju duke ndenjur në shtëpi dhe duke pritur nga qielli nuk e bëjmë dot. Bashkërisht ia dolëm ta sjellim deri këtu. Jemi ne që duhet ti zgjidhim brenda nesh problematikat e trashëguara”, tha Lame.
