Rezultatet e provimit të gjuhës së huaj për Maturën Shtetërore 2025 janë publikuar pasditen e së enjtes dhe statistikat tregojnë një përmirësim të dukshëm krahasuar me një vit më parë.
Provimin e kanë dhënë gjithsej 25.742 maturantë, ndërsa vetëm 399 prej tyre kanë mbetur – një vit më parë kjo shifër ka rezultuar 952 maturantë.
Kalueshmëria këtë vit përkthehet në 98,45 për qind, më e larta e tri viteve të fundit, ndërsa maturantët ekselentë, që kanë arritur të marrin notën maksimale 10, janë 216 të rinj.
Nota mesatare për provimin e Gjuhës së Huaj këtë vit është 7,8, një tjetër tregues pozitiv për cilësinë e përgjithshme të rezultateve.
Sipas Portalit Studentor, pjesa më e madhe e maturantëve janë vlerësuar me nota nga 9–9,99. Këto vlerësime i kanë marrë 8.073 maturantë. 4.990 maturantë të tjerë janë vlerësuar me notat nga 7–7,99, ndërsa pjesa tjetër, mbi 4.000 maturantë, janë vlerësuar me notat 8–9.
