Zëvendësministrja e Arsimit, Nora Malaj në prag të nisjes së vitit të ri shkollor, deklaroi sot se sistemi parashkollor duhet të jetë detyrues. E ftuar në rubrikën ‘Opinion’ në “News24” Malaj tha se është domosdoshmëri që fëmijët të shkojnë në çerdhe apo kopshte, ndërsa nuk la pa përmendur faktin se sistemi arsimor ka ende shumë probleme.
Sipas Malajt, prindrit ankohen për tituj e teksteve të klasave të para. Nga ana tjetër zëvendësministrja tha se Ministria e Arsimit nuk ka akses të shesë libra, ndaj janë gjetur qendrat e shitjes së teksteve. “Sot librat janë në të gjitha qendrat e shpërndarjes.”, tha ajo./a.m.
