Ministrja Elisa Spiropali e ftuar mbrëmjen e djeshme në emisionin ‘Drejt’ u shpreh se vula ‘non grata’ rëndon jo vetëm në fytyrën e Berishës, por edhe Shqipërisë.
Ajo tha se institucionet e drejtësisë duhet të thonë nëse Berisha është qelibari i foltoreve apo i korruptuar siç thotë SHBA.
Spiropali: Kemi detyrimin moral për të kërkuar më shumë rezultate nga drejtësia. Jemi investuar. Nuk lumturohem nga arrestimet e dënimet. Ne i kemi kthyer një pushtet të munguar qytetarëve. Kemi arsye për të qenë krenar ka edhe vese te vjetra të marrëdhënies së politikës me drejtësinë.
Vula non grata jo vetëm në fytyrën e Berishës, por edhe Shqipërisë. Ne punën me Berishën e kemi mbyllur në vitin 2013. Institucionet e drejtësisë duhet të thonë nëse Berisha është qelibari i foltoreve apo i korruptuar siç thotë SHBA. SPAK të hetojë 360 gradë. Po të hidhen sytë 360 gradë do gjenden dosje të varrosura. Jo vetëm Berishën, por edhe gjykatës e prokurorë.
