Shtetet e Bashkuara të Amerikës e kanë bërë disa herë të qartë që nëse Sali Berisha vjen në krye të PD kjo parti do të humbasë mbështetjen e tyre. Megjithatë, i ftuar mbrëmjen e së enjtes në “Log” me Endri Xhafon, ish-kryeministri u shpreh se as kur ishte kryeministër dhe asnjëherë nuk do ta pranojë diktatin.
“Kurrë sa isha kryeministër nuk kam pranuar të më diktojë kush se kush do të jetë presidenti këtij vendi, madje dhe cili do të jetë shefi i SHISH i këtij vendi… Kam pasur kërkesa. kurrë s’kam pranuar diktat nga askush. Nuk kanë pasur qëllime të këqija, por kam besuar se shqiptarët duhet t’i emërojnë vetë.”
Ndërsa i pyetur se përse është futur në listën e zezë të SHBA-ve, lideri historik i demokratëve përmendi edhe një herë ndikimin që sipas tij, ka pasur lobimi i kryeministri Edi Rama, por shtoi edhe që Lulzim Basha është ankuar.
“Po s’ka rëndësi për mua. E thotë departamenti që është Rama pas. Ti nuk mund të marrësh për bazë shpifjet….”
Por cila do të jetë zgjidhja sipas Berishës?
“Ose një administratë tjetër do ta hedhë në kosh këtë vendim sine materia të bazuar në shpifje, ose do të pranohet vullneti i shqiptarëve nga cilado administratë qoftë.”
g.kosovari
