”Nokia” i shet shërbimin hartografik kompanisë gjermane HERE
Grupi finlandez i telekomunikacionit ”Nokia” deklaroi sot se ka rënë dakord që t’i shesë njësinë e hartave dixhitale dhe të vendndodhjeve HERE-s, një shoqërie mes kompanive gjermane të prodhimit të makinave për 2,8 miliardë euro.
Kjo kompani gjermane përbëhet nga Audi AG, BMW Group dhe Daimler AG.
Marrëveshja pritet të mbyllet në tremujorin e parë të 2016-ës, në pritje të miratimit nga rregullatorët.
“Me këtë, ne përfundojmë hapin më të fundit të transformimit të ‘Nokias”, tha shefi ekzekutiv i saj, Rajeev Suri duke iu referuar vendimeve të grupit për t’u fokusuar në ofrimin e softuerëve dhe shërbimeve infrastrukturore ”broadband”.
Përsa i përket këtyre lëvizjeve, ”Nokia” paraqiti në prill planet për t’u bashkuar me grupin francez të telekomunikacionit ”Alcatel-Lucent”.
Vitin e kaluar, ajo nënshkroi shitjen e degës së telefonisë celulare softuerit gjigant amerikan ”Microsoft”.
”Nokia” ishte prodhuesi lider i telefonave celularë deri sa telefonat inteligjentë ”Apple” si dhe kompanitë që përdorin sistemin operativ ”Android” të Google i zunë vendin
