Ish kryeministri, Sali Berisha, është përpjekur t’i dalë në mbrojtje sot ish Ministrit të tij të Brendshëm, Flamur Noka, duke justifikuar fshehjen e të dhënave të këtij të fundit me argumentin se “Noka ka ik jashtë pasi u shfuqizua ligji për arratisjen në 91”. Por Berisha ka qenë krejt konfuz në deklaratat e tij për Nokën, megjithë përpjekjet për të bërë lojëra fjalësh me emrin e ish Presidentit, Ramiz Alia. Ish kryeministri nuk ka dhënë asnjë shpjegim për faktin se Noka është marrë në pyetje nga shërbimi sekret serb i UDB dhe i ka dhënë informacione.
Berisha është mjaftuar vetëm duke deklaruar se “kur erdhi pluralizmi ata menduan se ata mund të dilnin”.
“Alia kishte hequr ligjin e arratisjes. Këta quajnë dënime kohën e diktaturës”, ka qenë deklarata e Berishës në përpjekje për të mbrojtur Nokën.
Ish Ministri i Brendshëm, Noka, ka pranuar se ka marrë një ofertë zyrtare, për të qenë agjent i UDB-së, duke qëndruar në ish-Jugosllavi, në vitin 1991 dhe duke siguruar një punë të mirë atje. Në deklaratat e tij zyrtare para policisë shqiptare në vitin 1991, që u botuan nga gazeta “Tema”, ai ka pranuar se UDB-ja i ka bërë ofertë të qëndrojë në ish-Jugosllavi, duke i siguruar punë të mirë, por ai ka kërkuar të kthehet në Shqipëri. Por këto të dhëna ai i ka fshehur në deklaratën e tij për pastërtinë e figurës.
(javaneës.al) Me . Ar