Me mijëra njerëz i pëlqejnë, për atë ua kanë dhënë edhe votën, por asnjëri prej këtyre votuesve nuk doli t’u propozojë martesën disa deputeteve të Kuvendit të Kosovës.
Mbase kanë frikë nga autoriteti që kanë krijuar, prandaj deputetet rrallë përballen me ndonjë propozim serioz për martesë dhe si rrjedhojë disa prej tyre, mbeten ende beqare përkundër moshës.
Melihate Termkolli, LDK
E kush guxon t’i sfidojë mrrolat e Melihate Termkollit, që më pas të njejtës t’i propozojë fillimsht një kafe e dikur muhabeti të rrjedhë deri të propozimi i munguar tash e sa vite për Melin?!
Është goxha tunduese për atë që mendon t’i propozojë martesë deputetes së LDK-së e cila në rininë e saj, sfidojë pushtetin jugosllav e s’po e sfidon një mashkull që guxon t’i del përpara. Megjithatë prapa “ashpërisë” së Melihate Termkollit, sic raporton Magazina.al, fshihet edhe qenja e saj e butë femrore të cilën dikush duhet ta marr guximin t’ia zbulojë.
Time Kadriaj, AAK
Po ashtu duhet të jetë një burrë trim ai që do t’i propozojë martesë, deputetes së AAK-së, Time Kadriaj. E gjatë dy metra, ish ushtare e UCK-së, e ardhur nga Dukagjini, dhe shoqe e Ramush Haradinajt. Duhet të mendoj mirë ai, para se t’i propozojë Times martesë.
Ganimete Musliu, PDK
Njejtë duhet të veprojë edhe burri i ardhshëm i Ganimete Musliut. Këpucët më teke, nuk i ka armën e vetme të saj, raporton magazina.al. Një femër e fuqishme e zonja, e ardhur nga Drenica, shoqe e ngushtë e Sami Lushtakut dhe mbi të gjitha e paluhatur në qëndrimet e saj edhe në situatë të rrezikshme. Kjo është Ganja. Një burrë që i ka këto tipare është baraz me të. Duhet një që ka edhe më shumë që të ketë kurajo t’i ofrohet deputetës së PDK-së. Që ta dini, Ganja është në kërkim të dashurisë. Pse ajo vonon, Ganja nuk është fajtore.
Shqipe Pantina, LVV
Fati në rrafshin personal nuk i ka prirë aq sa duhet as deputetes së VV-së, Shqipe Pantina. Një pjesë të fajit e ka edhe vet, pasi la në harresë anën sentimentale duke e marrë me shoqëri civile dhe avokimin për ta. Tash janë bërë bajagi do vjet, e ajo si deputete merret ende me të tjerët duke lënë anash vetën. Shqipe vjet po shkojnë!
Në listën e beqareshave të Kuvendit, sic raporton, Magazina.al, janë edhe Safete Hadergjonaj e PDK-së, Shukrye Bytyqi e Nismës, Beqare, por në një moshë më optimale, janë edhe Njomza Emini LDK dhe Teuta Rugova LDK.
O beqarë, a jeni gjallë?!
Njomza Emini
Teuta Rugova
