Njihuni me “binjakët vampirë”
Dy vëllezër francezë, Vincent e Thomas Seris, vuajnë nga një çrregullim i rrallë gjenetik, që nuk i lejon ata që të ekspozohen ndaj rrezeve të diellit.
Dy binjakëve u mjafton vetëm pak rreze dielli që të preken nga kanceri i lëkurës, i cili mund të jetë fatal për jetët e tyre. Megjithatë, ata janë përpjekur gjithmonë që të bëjnë një jetë sa më normale dhe gjatë viteve kanë eksperimentuar duke veshur rroba të veçanta, të cilat u lejojnë atyre të lëvizin gjatë ditës.
Djemtë e quajtur nga mediat franceze,“Bijtë e Hënës”, gjatë ditës duhet të jenë të mbuluar tërësisht dhe mbajnë helmeta të ngjashme me ato të astronautëve, në mënyrë që të mbrohen nga dielli. Vetëm të veshur në këtë mënyrë, mund të bëjnë një jetë pothuajse normale, si të shkojnë në supermarket, të marrin transportin publik, të dalin me miqtë dhe të ndjekin pasionet e tyre.
Sot Vincent e Thomas ndjekin universitetin në Bordeaux. Normalisht që liria e vërtetë e tyre vjen në mbrëmje, kur dielli perëndon dhe ata çlirohen nga veshjet e çuditshme.
