Njeriu që filmoi rrëzimin e bustit Hoxhës betejë ligjore me Inva Mulën e 10 televizione
Fatmir Cepani, njeriu që më objektivin e kameras fokusoi momentet e rrëzimit të bustit të diktatorit, Enver Hoxha në 20 shkurt 1991, ka vendosur të nisë një betejë të gjatë gjyqësore me sopranon shqiptare me famë botërore Inva Mula si dhe dhjetë televizione shqiptare.
I dëmtuari akuzues, Fatmir Cepani, pretendon para gjykatës se gëzon të drejtën e autorit për veprën e titulluar, “Videograma “20 shkurti” rënia e bustit të Enver Hoxhës”, pamje të cilat janë trasmetuar pa lejen e tij. Në dokumentin dërguar gjykatës, Cepani thekson se pamjet filmike janë përdorur në këngën me titull “Për ty atdhe” nga sopranoja Inva Mula dhe janë shpërndarë në mënyrë të paligjshme. “Para se t’ju drejtohemi televizioneve lidhur me padinë penale kemi kërkuar një marrëveshje lidhur me faktin se Fatmir Cepani është autor i këtij filmimi dhe juve nëse doni ta përdorni, duhet të kontaktoni me autorin.
Këto televizione, po ashtue edhe Inva Mula dhe Super Sonic që janë në bashkëpunim nuk kanë pretenduar fare të kthejnë përgjigje. Ne iu kërkuam një dëmsh përblim që të mos shkojmë në gjykatë, sepse ligji e parashikon që përveç çdëmtimit dënohet edhe me burg deri në 1 vit. Në rastin konkret Inva Mula s’ka denjuar fare të kthejë përgjigje, prandaj e kemi dërguar për ndjeke penale në Gjykatën e Tiranës si gjithë të tjerët.
Deri më tani Gjykata ka pranuar 8 kërkesa dhe janë dhe dy për tu pranuar”, tha avokati Ndue Pjetra. Krahas një dëmshpërblimi prej 30 mijë euro, shkaktuar si rezultat i riprodhimit, shpërndarjes në publik apo importimit të pamjeve filmike, Fatmir Cepani kërkon që sopranoja Inva Mula të mbajë përgjegjësi penale sipas nenit 149 të Kodit Penal, ku për shkeljen e të drejtave të autorit të një vepre, parashikohet dënim me gjobë ose me burgim deri në dy vjet. Sa u përket televizioneve tetë nga kërkesat janë pranuar dhe pritet nisja e shqyrtimit për akuzën e “riprodhimit të pa drejtë të veprës së tjetrit”.
