Njerëzimi i çmëndur për cigare. Më shumë tani se në vitin 1980
Më shumë njerëz pinë duhan në mbarë botën sot se në vitin 1980, derisa popullsia rritet dhe duhani fiton popullaritet në vendet si Kina, India dhe Rusia, thanë hulumtuesit të martën. Për shembull, Kina kishte rreth 100 milionë duhanpirës më shumë në vitin 2012 seç kishte tri dekada më parë, edhe pse shkalla e duhanpirjes ra prej 30 në 24 për qind gjatë asaj periudhe, thonë gjetjet në “Journal of the American Medical Association”.
Rritja e numrit të duhanpirësve vjen pavarësisht rënies së përgjithshme në normën e pirjes së duhanit në dekadat e fundit, pasi që më shumë njerëz i kanë kuptuar rreziqet shëndetësore të duhanit, thotë raporti. Të dhënat janë publikuar si pjesë e një serie artikujsh për duhanin për t’u ndërlidhur me përvjetorin e 50-të të raportit të parë të “US Surgeon General” për rreziqet e pirjes së duhanit, transmeton koha.net.
Ai gjeti se shkalla globale e duhanpirjes në mesin e meshkujve ishte 41 për qind në vitin 1980, por që atëherë ka rënë në një mesatare prej 31 për qind.
Në mesin e femrave, prevalenca e vlerësuar e pirjes ditore të duhanit ishte 10.6 për qind në vitin 1980, dhe deri në vitin 2012 kjo kishte rënë në 6.2 për qind.
Globalisht, numri i duhanpirësve është rritur nga 721 milionë në vitin 1980 në 967 milionë në vitin 2012.
