Analisti Frrok Çupi ka reaguar pas arrestimeve të disa personave të akuzuar për aferën e inceneratorëve. I ftuar në emisionin ‘Repolitix’ në Report Tv, Çupi tha se kemi të bëjmë me një proces, ku këta njerëz të korruptuar janë përgatitur për të vjedhur nga Ilir Meta.
‘Ky është një proces, këta njerëz të korruptuar janë njerëzit e dikujt. Shumica prej tyre janë punonjës të Ministrit të Mjedisit me një ministër që është krokodili i korrupsionit. Këtë njeri dhe ish-ministri i burgosur e ka stërvitur dikush tjetër që është presidenti i republikës tani dhe ka marrë dhe këtë deputetin tani dhe e ka bërë personalitet të madh në presidencë.
Vet presidenca ka personalitet të larta që janë dënuar me burg dhe tjetërsim të pronës. Procesi është ky, që shefat e mëdhenj lëshojnë këto lepurushët e vegjël të vjedhin për to, e më pas vjedhin dhe këta. Po mazhoranca çfarë deshi me këto? Ku e kanë vlerën? Po t’i shikosh dhe nga portreti këto janë njerëz që dëshmojnë nxitim për të vjedhur. Padyshim që PS ka kosto dhe nëse nuk e riparon dot, do të thotë që do kemi të bëjmë me një gjë që na ndjek.
Për mua mbetet pikëpyetje përse risillen në politikë njerëz të tillë, atavizma të Ilir Metës. Pse sillen në politikë? Për mua është një korrupsion i madh, pasi janë zënë disa njerëz që kanë ardhur jashtë kësaj mazhorance. A do vazhdojë politika të rikthejë zhavorrin e palarë? E gjitha është një çështje politike.’- tha Çupi.
g.kosovari
