Zyra e Informacionit e Këshillit të Shtetit të Kinës publikoi të hënën librin e bardhë të titulluar “Hong- Kong: Përparimi demokratik në kuadrin e parimit ‘Një vend, dy sisteme’”.
Libri i bardhë bën një rishikim gjithëpërfshirës të origjinës dhe zhvillimit të demokracisë në Rajonin e Posaçëm Administrativ të Hong-Kongut dhe të parimeve e pozicionit të qeverisë qendrore.
Libri i bardhë vë në dukje më tej se, pas rifillimit të ushtrimit të sovranitetit, qeveria kineze zbatoi politikën bazë “Një vend, dy sisteme” dhe vendosi demokracinë në Hong-Kong.
Që nga ajo kohë, ajo i ka dhënë mbështetje të vazhdueshme rajonit në zhvillimin e sistemit të tij demokratik. “Vendosmëria, sinqeriteti dhe përpjekjet e Partisë Komuniste të Kinës dhe të qeverisë kineze për këtë qëllim kanë qenë të qëndrueshme dhe janë të dukshme për çdo vëzhgues objektiv,” theksohet në librin e bardhë.
