Prokuroria deklaroi dje se do të verifikojë dosjen penale të Krimeve të Rënda për shtetasin Vladimir Gjuta, akuzuar për tritolin te faramcia e babait të ministrit të Brendshëm, pora tashë i pafajshëm.
Verifikimi, sipas “Panorama” do bëhet për arsye se një zyrtar policie ka deklaruar gjatë marrjes në pyetje në Prokurori se një pajisje përgjuese markë tjetër, por me funksione të njëjta me “IMSI Catcher” është futur e përdorur në Shqipëri edhe më parë.
Për shkak se prokurorisë nuk i rezulton që hyrja e pajisjes në fjalë të jetë bërë me njoftim dhe autorizim sipas ligjit, organi i Akuzës ka vendosur të verifikojë edhe këtë rast. Sipas hetuesve, janë kërkuar materialet e dosjes ndaj shtetasit Vladimir Gjuta, tashmë i pafajshëm, për të parë nëse në atë procedim ka dokumente për përdorimin e pajisjes përgjuese-gjurmuese.
Sipas ligjit, nëse pajisja është përdorur duhet që në dosje të jenë autorizimet përkatëse për përdorimin e pajisjes dhe procesverbalet që janë mbajtur me rezultatin e arritur nga vendosja e saj në përdorim.
Efektivi i policisë me iniciale E.G. ka dëshmuar se pas vendosjes së tritolit në farmacinë e Bashkim Tahirit në shkurt 2015, policia shqiptare ka përdorur një pajisje të tillë të ardhur nga Italia për hetimin e çështjes e cila ka mbetur tashmë pa autor të identifikuar.
Prokurorisë deri tani nuk i rezulton që të ketë pasur ndonjë njoftim apo kërkesë për autorizim për futjen në vend të një pajisjeje të tillë./Panorama/a.m.
