Nga Agjencia Kombetare e Bregdetit njoftohet se porti i Sarandës po vizitohet nga “emra” të fuqishëm të industrisë së turizmit. Brenda dy javësh ky port u vizitua nga “Holland America”, kruaziere e njohur në botë për lëvizjen e turistëve. “Starpride” dhe një tjetër emër i njohur vizitoi dje Sarandën dhe Shqipërinë, anija e famshme “Queen Victoria” e kompanisë së njohur britanike “Cunard”, qe operon prej më se 120 vjetësh në shërbimet transoqeanike.
“Tashmë ka ardhur koha që porti i Sarandës duhet t’i pergjigjet këtyre vizitave me sherbim profesional si kontakti i parë i Shqiperisë me këta vizitore”, thote Drejtori I Agjencisë Kombëtare të Bregdetit, Auron Tare.
Vizita te tilla edhe pse për vetëm një ditë, kanë një impakt ekonomik në qytet kur vizitohen nga këto kruaziere dhe jo vetëm, pasi numri i madh i turistëve që mbajnë këto anije mundeson të ardhura për ekonominë lokale.
“Tashmë turizmi ynë nuk mund të jetë sporadik dhe i pa organizuar, por profesional, i respektueshëm, i kujdesshëm dhe korrekt, pasi duhen vite që këto anije të vendosin të ndalojnë në porte të tilla dhe nëse nuk gjejnë shërbimin e duhur, largohen brenda ditës”, komenton Tare. /r.a
