Një tjetër person i kërkuar nga autoritetet spanjolle për trafik droge është arrestuar në vendin tonë. Në pranga ka rënë A.Xh. 38 vjeç nga fshati Bishan i Vlorës. Ai u kap gjatë aksionit të koduar “Lugo” të policisë së Vlorës.
Ndaj 38-vjeçarit është lëshuar urdhër-arresti ndërkombëtar nga autoritetet gjyqësore spanjolle më datë 15 Janar 2021 për veprat penale trafik i narkotikëve dhe organizatë kriminale.
Interpol Tirana, në bashkëpunim me autoritetet ligjzbatuese spanjolle, vijon procedurat për ekstradimin e këtij shtetasi drejt Spanjës.
/a.r
