Tifozët italianë kanë qenë gjithmonë dhe mbi gjithçka tifozë ‘kundër’. Në vend që të mbështesin skuadrën e tyre, drejtojnë gishtin te skuadra kundërshtare dhe kjo ndodh kudo, në stadium, në televizion apo në lokale. Për këtë arsye është bërë një studim statistikor për të matur dashurinë dhe urrejtjen e tifozëve të skuadrave të ndryshme. Dhe statistikat treguan se klubi më i urryer është Inter-i dhe më i dashuri Juventus-i.
Studimi – Sondazhi i “Europian Football Benchmark” ka konfirmuar se në Itali janë rreth 34 milionë tifozë me 39% të tyre që janë mbështetës të Juventus, e cila konfirmohet si skuadra e parë. Më pas vijnë Inter-i dhe Milan-i me nga 19%.
Por ajo që ka më tepër interes nga analizat e fundit është diçka tjetër: qëllimi kryesor nuk ka të bëje se për kë bënë tifo, por se cila skuadër është në gjendje të zgjojë më shumë emocione, dashuri dhe urrejtje. Dhe në këto statistika speciale, zikaltrit janë ekipi më i urryer në Itali, në krahasim me bardhezinjtë dhe kuqezinjtë.
40% e të intervistuarve nuk e mbështesin Interi-n, përpara Juventusi-t (38%) dhe Milani-t (32%). Keq edhe për Napolin (30%) ashtu si edhe Lazio (26%). Vetëm 13% e të intervistuarve shfaqën interes për Cagliari-n dhe Napoli-n.
Për sa i takon skuadrës më të dashur, kreun e mban Juventus-i: 49% e të intervistuarve kanë shprehur simpati për bardhezinjtë, më pas vjen dyshja e Napoli-Roma me 37%, para Milani-t që mban vendin e tretë me 35%, më pas Fiorentina (34%), Inter-i (33%) dhe Atalanta (31%).
/b.d
