L’Equipe ka zbuluar detajet e kontratës që u nënshkrua nga Lionel Messi dhe Paris Saint-Germain të martën.
Gjithçka është gati për transferim tashme, të cilin askush nuk mund ta merrte me mend deri pak ditë më parë, por që tashmë është një realitet.
Është e qartë se 34-vjeçari gjeti një klub të ri, pasi u konfirmua të dielën e javës së kaluar se ai nuk do ta përfundojë karrierën e tij në Barcelonë, pavarësisht faktit se ra dakord për një kontratë të re tri javë më parë. Mundo Deportivo raporton se prezantimi i argjentinasit si lojtari i ri i Paris Saint-Germain mund të bëhet nesër, dhe L’Eqiupe përmes burimeve të veta ka siguruar një kontratë, të cilën argjentinasi sapo e ka nënshkruar.
L’Equipe pretendon se kontrata është shumë më e madhe se sa ishte zbuluar në ditët e mëparshme, dhe se lojtari do të fitojë 40 milionë euro në vit, që është një shifër e pabesueshme, 770.000 euro në javë.
Kontrata është për dy vjet me opsionin e një tjetri, dhe gjashtë herë fituesi i Topit të Artë gjithashtu duhet të marrë një bonus prej 30 milionë eurosh brenda kontratës.
Natyrisht se së bashku me Neymarin dhe Kylian Mbappe, do të jenë treshja më e paguar te PSG edhe pse e ardhmja e këtij të fundit ende është në ajër.
/b.h
