Nga Pajtim Bello
E bombardoi opinion se do bënte një demostratë kombëtare kundër vizitës së Vuçiç në Tiranë. Në fakt Saliu nuk e ka patur seriozisht. Ai nuk mund të protestonte kundër aleatit të vet Vuçiç, trashëgimtarin që ia la Millosheviçi. Ia donte puna, që duke e përdorur si karrem, në shesh të mblidhte qindra mijra shqiptarë nga të gjitha trevat. Të paktën ai kishte besuar se shqiptarët lehtësisht do të gënjeheshin, do të binin në grackë si mizat pas mjaltit.
Por kjo nuk ndodhi. Dhe pse? Një ndër arsyet është se shqiptarët e kishin parë me sytë e tyre tradhëtinë e njeriut që i thirri në protestë dhe jo vetëm njëherë. Në sytë e tyre iu janë shfaqur mijra kosovarë të vrarë e të djegur nga një masakër ku grishësi i protestës ishte bashkpuntor me Millosheviçin. Millosheviçi vuri në dispozicion ushtarët, tanket, avionët dhe gjthë llojet e armatimit kurse Sali Berisha i furnizoi me naftë, benzinë e vajgur avionash; ishin të dy bashkpuntorë me koontribut të barabartë në këtë masakër.
Shqiptarët janë bindur se udhëheqjen politike dhe ushtarake e kanë dërguar në Hagë një pjesë e atyre që ishin organizatorë të kësaj proteste. Ishin pikërisht këta që i ofruan Dik Martinit tezën se UÇK ishte një organizatë terroriste që kishte hartuar lista njerëzish për pushkatim. Të gjithë e kanë kuptuar se Rremzi Hoxhën e zhduku Shërbimini Informativ i Saliut dhe Gazidedes, natyrisht jo pa urdhër. Shqiptarët e dinë se Saliu është takuar me Millosheviçin në Ohër ku bënë pazarin e kontrabandës së naftës dhe të ndalimit të futjes së armëve nga Shqipëria për UÇK; Saliu i bëri realitet detyrat që i ngarkoi ustai Millosheviç, bile në kufirin Shqipëri-Kosovë u vranë ushtarkët e UÇK që mbulonin operacionin për të kaluar armatimin drejt Kosovës.
Pas kësaj lulëzoi kontrabanda e dërgimit të armëve ku me parat e kosovarëve u majmën jo pak matrapazë pranë PD. Pikërisht për këto dhe jo vetëm, shqiptarët e braktisën Sali Berishën. Mitingut nuk i dhanë gjallëri as folësit e sidomos ata dhe ato që shqiptarisë i njohën vetëm dy lidera, ku njeri pa dyshim ishte Saliu.
Për të qarë hallin për ata që bënin biogafinë patriotike të familjes prej së shkuarës. Shumë mire për të shkuarën por këta pinjollë e kishin rastin të provonin që ishin po aq patriotë sat ë parët. Ishte lufta heroike e UÇK. Kjo luftë kishte nevojë që këto zonja e zotërinj të ishn kaq trima në beteja sa edhe me fjalë.
Nuk e bënë dhe tentuan ta bëjnë në këtë demonstratë por donin mbështetjen e shqiptarëve. Por askush nuk u gënjye! Shpresoja se shqiptarët do ti braktisnin këta skifterë luftë nxitës kështu dhe kështu ndodhi. Dhe nuk kanë për tu gënjyer kurrë.
