Javes qe kaloi, Sali Berisha, me latinishten e tij, se italisht nuk mund ti thoshe, lincoi nje partneritet shume serioz italo-shqiptar, nje partneritet publik nepermjet Bashkise se Verones dhe bashkise se Tiranes. Ne fjalen e tij nuk kurseu as kryetarin e bashkise se Verones, shume te nderuarin Flavio Tosi.
Nuk me kurseu as mua duke me bere te marr shkas per ta perdorur kete tribune per te bere nje resume te nje pune gjigande ne nxitjen dhe promovimin e sipermarrjes, kryesisisht ato italiane qe une kam promovuar.
Me iniciative te kryeministrit, me qellimin e nxitjes te investimeve te huaja, kam drejtuar nje grup te mazhorances me te cilet, pa modesti, mund te them qe kemi bere nje pune kolosale dhe me rezultate si asnjehere me pare ne permiresimin e imazhit te vendit, dhe thithjen e investimeve italiane ne shqiperi.
Per here te pare vendosem te mos rrinim te prisnim cdo sillte rastesia, por te ishim proaktiv duke shkuar rajon me rajon, qytet me qytet te Italise, per te promovuar Shqiperine e per te folur me sipermarresit italiane.
Kemi organizuar me dhjetera takime neper Itali, ku kemi pasur mundesine te komunikojme me mijera sipermarres italiane, biznese nga me seriozet e me te fuqishmet.
400 sipermarres kishte ne takimin e pare te organizuar me Konfindustrian kombetare ne Rome, ku interesi ishte po aq i madh sa skepticizmi.
Vazhduam me 3 takime, me pjesemarrje edhe prej 600 sipermarresish ne Puglia. 2 takime ne motorin ekonomik te Italise, ne Milano te Lombardise. Takimi i pare ne seline qendrore te Aso Lombardise me nje pjesemarrje me mbi 400 sipermarres. Po kaq ne seline qendrore te BOSCH Italia.
Vazhdojne te na vijne falenderime dhe ftesa te pafundme per takime te tjera fale interesit te madh te sipermarresve.
Kemi vazhduar me disa takime me sipermarresit e Venetos ku presidenca e rajonit me te cilen bashkepunonim u detyrua te ndryshonte 3 here sallen nga numri i madh i sipermarresve qe konfirmonin pjesemarrjen.
Vazhduam ne Treviso e Verona e Peskara, ne rajonin e Friulit ku pervec takimit me sipermarres prane Konfindustria, organizuam edhe nje takim me sipermarres te zgjedhur prane selise se Fincantier-it ne Trieste, nje nga 3 kompanite me te medha ne bote te prodhimit te crociera-ve dhe anijeve transoqeanike.
Dua te vecoj pjesemarrjen ne kongresin nacional te konfindustria per te rinj, ku fjalen e kryeministrit e ndoqen me shume se 4000 pjesemarres ne Santa Margarita Ligure.
Vizite pas vizite, mediat italiane mbanin rradhe per nje prononcim te Kryeministrit e i benin jehone, si kurre me pare, Shqiperise. Per pasoje te kesaj qasjeje proaktive, ne keto vite ka pasur nje dyndje, gati gati nje gare e mediave me te rendesishme italiane, qofte ato te Rai-it apo Mediaset-it per te promovuar mundesite e berjes biznes ne Shqiperi.
Dhe sot pas 3 vjetesh jemi te gjithe te ndergjegjshem se imazhi i Shqiperise ne Itali pothuajse eshte permbysur per mire.
Dhe per asnje nga keto udhetime e organizime ne Itali nuk eshte paguar asnje lek nga buxheti i shtetit.
Jeni te gjithe koshient qe ne 3 vitet e fundit, numri i italianeve qe hyjne e dalin neper Shqiperi duke tentuar investimet eshte shume-fishuar. 50% nga 5% qe ishte me pare, jane raportet e pasagjereve italiane neper avionet per Shqiperi.
Mbi 6000 sipermarres kane ardhur ose kane kontaktuar me ne per te investuar ne Shqiperi. Mbi 500 sipermarrje me ortak italian regjistrohen cdo vit ne QKR.
Imazhi i Shqiperise eshte permiresuar duke kapur rekorde te turisteve italiane sidomos gjate ketij viti. Shume vijne e shume ikin. Tentojne. Eshte e pamundur qe te gjithe te gjejne ate qe kerkojne.
Shqiperia eshte treg i vogel, nuk eshte aq i lehte, e per te bere biznes duhet nje partneritet serioz.
Po prape jam i bindur sado e lodhshme e voluminoze kjo pune, se te qenurin proaktiv ne promovimin dhe thithjen e investitoreve dhe akoma me teper aktiv ne ndertimin e raporteve serioze te partneritet kur ata vijne ne Shqiperi, eshte e vetmja rruge per te ndertuar kete marredhenie shume te dobishme per vendin.
25% e call center-rave italiane jane tashme ne Shqiperi, jane gjithnje ne rritje.
Por nuk eshte ky lajmi. Lajmi eshte qe nuk vijne ketu per cmimin me te mire, por per cilesine me te mire.
3 shoqeri te transportit ajror italian kane hyre pas 2013es. 2 prej tyre i kemi asistuar me shume seriozitet.
GNV-ja, kompania me e madhe e mesdheut per trasportin detar te pasagjereve per here te pare hyri ne Shqiperi vitin qe kaloi duke sjelle jo vetem nje permiresim shume te ndjeshem cilesor, por per shkak te konkurrueshmerise edhe nje ulje konkrete te cmimeve duke rritur ndjeshem trafikun, kryesisht turizmin italian ne Shqiperi.
Investimet jane me qindra ne te gjitha fushat, perfshire ato fason ku shkembimet me Italine vitin qe kaloi u rriten me 30%.
Cfare tju them.. Duke filluar qe nga Tom Tomi, kompania leader e navigatoreve, qe me mbeshtetjen tone rilevoi gjithe rruget e Shqiperise dhe prej 2 vjetesh harta e Shqiperise eshte zyrtarisht ne te gjitha shtepite automobilistike te botes. Promovim i madh.
Deri tek Dompe-ja, OKI i famshem.. Qe ne kohen kur ju akuzonit se te gjithe kompanite farmaceutike po largoheshin nga Shqiperia, jo vetem qe per here te pare ngriti perfaqesine ne Tirane, por e ktheu ate edhe ne qender rajonale.
Mund te vazhdoj deri neser te numeroj me qindra kompani italiane te vogla e te mesme qe kane investuar ose qe jane ne proces duke filluar qe nga turizmi qe per pak jave Shqiperia do te futet si destinacion turistik ne nje nga kompanite turistike me te medha te Europes,
shume here me e madhe se Club Mediterraine qe ju perzute, per te kuptuar rendesine.. e deri ne fushen e artit ku ne mes te dhjetorit po punojme per te hapur ekspoziten me te rendesishme te artit figurativ te hapur ndonjehere ne Ballkan me mbi 130 kryevepra italiane ne pikture e skulpture te viteve 900..
Bashkepunojme ngushte me gjithe presidentet e rajoneve dhe kryetaret e bashkive ne Itali. Ndermjet tyre edhe me Flavio Tosi-perfaqesues i te djathtes italiane te cilin e lincove e fole per te si te ishte ndonje mafioz ordiner.
Nderkohe qe ai eshte i zgjedhur 2 here kryetar bashkie me 70% te votave ne Verona dhe i votuar nga italianet, bashke me Mateo Renzin atehere, si kryetari i bashkise me i mire i italise.
Kjo eshte me shume se e turpshme.
Ti Sali e di shume mire qe marreveshja e bashkise se Verones me bashkine e Tiranes eshte nje nga marreveshjet me fair qe eshte bere ndonjehere.
E di shume mire qe bashkite kane detyrim te japin sherbim ndaj qytetareve dhe tenderat e pastrimit kane qene me te perfolurit per korrupsionin dhe cilesine e dobet te sherbimit.
Bashkia e Tiranes rikthehet te marre pergjegjesi ndaj qytetareve te Tiranes per pastertine e qytetit duke bashkepunuar me ekselentet e Italise per pastrimin e qyteteve, me bashkine e Verones.
Ndermarrja EKO Tirana per pak dite do filloje pastrimin ne te quajturen zone e kuqe e Tiranes dhe ku jam shume i bindur qe me ndryshimin rrenjesor qe do sjelle ne qytet, do te te beje te heshtesh ti, e do beje te flasin per mire gjithe qytetaret e Tiranes.
Per korektese ndaj opinionit publik dhe partnereve shume te nderuar italiane, AMIA ndermarja e pastrimit te Verones ku president eshte Andrea Miglioranzi, eshte shqeri publike ku 100% e aksioneve zoterohen nga AGSM e cila eshte nje tjeter shoqeri ku 100% te aksioneve jane publike dhe prone e bashkise se Verones
Nje tjeter genjeshter e turpshme nga berisha per te cilat do mbaje pergjegjesi edhe ndaj perfaqesuesve te qytetareve italiane ku me njoftojne se jane vene ne levizje te gjitha mekanizmat ligjore e politike.
Themi gjithe diten qe duhet te vijne investitore te huaj ne Shqiperi dhe ne rastin me te pare lincohen publikisht me shpifje e histori te trilluara pa asnje te vertete, me te vetmin qellim intimidimin e perzenien nga ky vend.
Ju jeni te gatshem qe sa te jete Edi Rama ne pushtet te beni cmos mos lejoni biznes te shkele ne kete vend. Me perpara u vinit bomba.. Tani te pakten i intimidoni me fjale.
Ka dhe nje arsye tjeter pse kryetari i bashkise se Verones e ka terbuar kaq shume Saliun.
Ai eshte nje perfaqesues i te djathtes italiane, madje per shume vite nje nga drejtuesit e Lega Nord.
Fakti qe nje eksponent i te djathtes italiane promovon Shqiperine, por edhe vjen ketu ne vete te pare, ne parneritet me kete maxhorance per te investuar parate e italianeve ne benefit edhe te vendit tone eshte nje tjeter arsye qe e terbon Berishen.
Sigurisht qe duhet ta bezdise shume fakti qe me qeverine Rama, bashkepunojne jo vetem te majtet por edhe te djathtet e italise, te cilet kane treguar hapur shperfilljen dhe abandonimin e asaj qe e mban veten per te djathten shqiptare.
Jo vetem ne Amerike, por edhe ne Itali si shume vende te tjera te Europes, fatkeqesisht PD po mbetet pa partnere qe e mbeshtesin, edhe nga ata te krahut te tyre.
