Qeveria shqiptarë ka lançuar prej kohësh projektin “1 miliardë euro” përmes të cilit do të mbulohen me inancim disa projekte madhore në infrastrukturë dhe energji. Këto investime madhore do të kryhen në 4 vite dhe janë para që do të investohen nga privatët. Ky projekt ka tërhequr vëmendjen e prestigjozes “Reuters” e cila i ka kushtuar një artikull të gjerë’.
“Shqipëria do të përmirësojë rrjetin e saj rrugor dhe ka në plan të hapë një linjë të re shkëmbimi energjie, investime që shkojnë në 1 miliardë euro në 4 vite”, shkruan Reuters.
Do të jenë bizneset ato që do të financojnë projektet citon Reuteres ministrin e Infrastrukturës dhe Energjisë Damian Gjiknuri.
Gjiknuri tha se vendi dëshiron të ndërtojë rrugë të standardeve evropiane që lidhin zonat me potencial turistik ose, duke i afruar qytetet e saj dhe fqinjët e saj ballkanikë.
“Financimi do të vijë nga të ardhurat buxhetore nën një skenar normal të rritjes ekonomike”, deklaroi ministri.
Këto investime sipas Gjiknurit do të shpërndahen në 4 vite, por infrastruktura do të jetë e gatshme për tre vjet.
Produkti i brendshëm bruto i Shqipërisë parashikohet të rritet rreth katër për qind në vitin 2017. Po ashtu parashikohet rënie e borxhit publik me 2.5 pikë përqindjeje, duke zbritur në 68.6 për qind të PBB-së.
“Alternativa tjetër do të ishte të presim derisa të kemi të gjitha paratë, por kjo do të thotë stanjacion,” tha Gjiknuri referuar investimit nga privatët.
Reuters shkruan se Shqipëria shpreson të ndërtojë ‘autostradën e kaltër’ që e lidh me Kroacinë përmes Malit të ZI, e në Jug me Greqinë./JavaNews/a.m.
